ចង្អុលបង្ហាញពីឯកឧត្តម ឃួងស្រេង អភិបាលនៃរាជធានីភ្នំពេញ និងលោក សក់ ចន្ទកញ្ញារិទ្ធ អភិបាលនៃគណ:អភិបាលខណ្ឌ ពោធិ៍សែនជយ័ ក្នុងការចុះរៀបចំសណ្តាប់ធ្នាប់តាមបណ្តោយផ្លូវសំខាន់ៗទូទាំងរាជធានីភ្នំពេញ
(ខណ្ឌពោធិ៍សែនជយ័)៖ថ្ងៃសៅរ៍ទី២០ខែមករា ឆ្នាំ២០២៤
.....លោក ណាត សារឿន ប្រធានសណ្តាប់ធ្នាប់ខណ្ឌ ពោធិ៍សែនជយ័ បានដឹកនាំបងៗសណ្តាប់ធ្នាប់ ជាក្រុមៗដើរត្រួតពិនិត្យ រៀបចំសណ្តាប់ធ្នាប់ ដែលស្ថិតតាមបណ្តោយផ្លូវ សំខាន់ៗដោយមានក្រុមនាក់លក់ដូរយ៉ាងអណាធិបតេយ្យកំពុង រំលោភបំពានលើផ្លូវ។
នេះមិនមែនជាលើកទី១ឡើយក្រុមបងៗសណ្តាប់ធ្នាប់ខណ្ឌ ពោធិ៍សែនជយ័ ចុះមកអនុវត្តន៍អប់រំដល់បងប្អូនអាជីករទាំងអស់ដែលប្រកបមុខរបររកស៊ី តាមបណ្តោយផ្លូវទាំងអស់នេះ គឺក្រុមរបស់លោក មកប្រាប់រាល់ថ្ងៃរៀបចំរាល់ថ្ងៃ ។ពីក្រុមបងៗសណ្តាប់ធ្នាប់លោកចង់អោយមូលដ្ឋានរបស់លោក មានភាពស្រស់ស្អាត គេចផុតពីគ្រោះថ្នាក់ផ្សេងៗ ដែលកើតឡើងជាយថាហេតុ មកលើបងប្អូនដែលកំពុងធ្វើដំណើរ និងពេលខ្លះអាចបង្កអោយមានការរាំងស្ទះដល់ចរាចរណ៍ ជាដើម។
យោងតាមការរៀបរាប់របស់លោក ណាតសារឿន បានអោយដឹងថា÷ចំពោះការលក់ដូររបស់បងប្អូនលោកមិនបានហាមឃាត់នោះគ្រាន់តែលោកសុំអោយការលក់ដូររបស់បងប្អូន ធ្វើយ៉ាងណាអោយមានរបៀបរៀប រយ ឈប់រំលោភបំពានបន្តទៅមុខបន្តទៀតតែប៉ុណ្ណោះ។ បន្ទាប់ពីក្រុមបងសណ្តាប់ធ្នាប់បានចុះរៀបចំរួចមក លោក ណាត សារឿន ក៏បានបែងចែកកំលាំងដោយ:
១: ក្រុមប្រចាំការនៅខាងមុខសាលារៀន ដើម្បីជួយចំលងផ្លូវចរាចរណ៍ ដល់ប្អូនៗសិស្សានុសិស្ស កុមារា កុមារីតូចៗ ពេលចេញពីរៀន
២: ក្រុមប្រចាំការ នៅគ្រប់ស្តុបដើម្បីជួយសំរួលចរាចរណ៍ដល់បងប្អូនប្រជាពលរដ្ឋនិងថ្នាក់ដឹកនាំ
៣:ក្រុមចុះរៀបចំសណ្តាប់ធ្នាប់តាមបណ្តោយមហាវិថីសហពន្ធ័រុស្សី ផ្លូវជាតិលេខ៤និងផ្លូវជាតិលេខ៣
៤:ក្រុមបោសសំអាតប្រមូលសំរាម បាញ់លាងផ្លូវថ្នល់និងថែរក្សាអនាមយ័បរិស្ថាន
នេះជាភាពសស្រាក់សស្រាំមួយរបស់អជ្ញារដ្ឋបាលខណ្ឌ ពោធិ៍សែនជយ័ ដឹកនាំដោយលោក សក់ ចន្ទកញ្ញារិទ្ធ អភិបាលនៃខណ្ឌពោធិ៍សែនជយ័ ដែលមានបងៗអជ្ញាធរ និងបងៗ សណ្តាប់ធ្នាប់ខណ្ឌ ខិតខំបំពេញការងារ ដោយមិនខ្លាចនឿយហត់ បំរើរាល់សុខទុក្ខរបស់បងប្អូប្រជាពលរដ្ឋ និង ដើម្បីខណ្ឌទាំងមូលមានភាពស្រស់បំព្រង មានអនាមយ័បរិស្ថានល្អស្អាតជានិច្ច ៕
